मालेगावच्या केंप परिसरात एक काळ होता, जेव्हा कुठेही साप दिसला की लोक एका नावाने धाव घेत—नितीन पेंटर (नितीन सोनवणे). त्यांच्या धाडसाने व सेवाभावी वृत्तीने अनेकांचे जीव वाचले. आज नितीन यांच्या स्मृतीला जपत त्यांच्या मुलांनी ही परंपरा अबाधित ठेवली आहे. त्यातीलच स्वप्निल—नावाप्रमाणेच स्वप्नांना पंख लावणारा, आधुनिक विचारांनी सजलेला आणि मनमिळावू असा हा तरुण.
नुकताच स्वप्निलने नाशिकच्या प्रतिष्ठित बॉडी बिल्डिंग स्पर्धेत टॉप टेनमध्ये स्थान मिळवून मालेगावचे नाव उज्ज्वल केले. पण त्याचे कर्तृत्व इथेच थांबत नाही. तो चार ठिकाणी प्रशिक्षण देत असून प्रत्येक विद्यार्थ्याच्या शरीररचनेनुसार योग्य आहार, कार्बोहायड्रेट्स, प्रोटीन्स व इतर पोषक घटकांचे संतुलन कसे असावे हे अत्यंत वैज्ञानिक पद्धतीने शिकवतो. या क्षेत्रातील त्याचा अभ्यास आणि प्रॅक्टिकल नॉलेज नवयुवांसाठी खरोखर मार्गदर्शक ठरतो.
इतकं प्रगतीपथावर असूनही स्वप्निलने मानवी मूल्ये कधीच विसरलेली नाहीत. मोठ्यांचा आदर, छोट्यांवर प्रेम आणि प्रत्येकाशी आपुलकीने जोडून घेण्याची अद्भुत क्षमता त्याच्यात आहे.
याचबरोबर स्वप्निलची कलात्मक बाजूही तितकीच उज्ज्वल आहे. गणेशोत्सव, देवीचे नवरात्र आणि इतर सांस्कृतिक कार्यक्रमांमध्ये त्याने केलेल्या डेकोरेशनच्या देखाव्यांनी केंप परिसर नेहमीच उजळला आहे. त्याची कल्पकता, तंत्रज्ञानातील हातखंडा आणि सादरीकरणाची शैली यामुळे तो खऱ्या अर्थाने बहुआयामी व्यक्तिमत्त्व ठरतो.
स्वप्निल हा आजच्या पिढीसाठी प्रेरणा… एक खरा युथ आयकॉन.
त्याच्या भावी वाटचालीस मनःपूर्वक शुभेच्छा—
देव त्याला उंच भरारी देवो आणि सर्व मनोकामना पूर्ण करो.
दक्षता उपसंपादक:राजन क्षत्रिय
