विजापूर बायपास रोडवर भीषण अपघात; दोन तरुणांचा जागीच मृत्यू
सोलापूर : विजापूर बायपास रोडजवळ झालेल्या भीषण अपघातात दोन तरुणांचा जागीच मृत्यू झाला. कारची कंटेनरला जोरदार धडक झाल्याने हा अपघात घडल्याची माहिती मिळाली आहे.
या अपघातात मृत्यू झालेल्या तरुणांची नावे इमादुद्दीन बागवान (वय 18 वर्षे) आणि अमन निसार बागवान (वय 19 वर्षे) अशी आहेत.
मिळालेल्या माहितीनुसार, इफ्तारनंतर दोन्ही तरुण चहा पिण्यासाठी आणि फेरफटका मारण्यासाठी बाहेर गेले होते. त्याचवेळी विजापूर बायपास रोडजवळ त्यांच्या कारची कंटेनरला जोरदार धडक झाली. या भीषण अपघातात दोघांचाही जागीच मृत्यू झाला.
घटनेची माहिती मिळताच सोलापूर येथील सिव्हिल हॉस्पिटलमध्ये नातेवाईकांची मोठी गर्दी झाली होती. या घटनेमुळे परिसरात हळहळ व्यक्त केली जात आहे. पोलिसांनी घटनास्थळी धाव घेऊन पुढील तपास सुरू केला आहे.
मुख्य संपादक : दत्ता सुरवसे
