सुहास बी. शेट्टी मूळचा आंध्र प्रदेशातील नेल्लोरचा. फार्मसीमध्ये पीएचडी पूर्ण केल्यानंतर त्याला आईवडिलांच्या जवळ राहायची इच्छा होती.
2013 मध्ये तो नेल्लोरला परतला आणि तिथेच काहीतरी स्वतःचे काम सुरू करण्याचा निर्णय घेतला.
त्याच्या लक्षात आले की त्याच्या शहरात मिळणारे शुद्ध देशी दूध इतर मोठ्या शहरांच्या तुलनेत खूप स्वस्त आहे. जिथे नेल्लोरमध्ये दूध 50–60 रुपये लिटरला मिळत होते, तिथे मोठ्या शहरांमध्ये तेच दूध 120–130 रुपयांपर्यंत विकले जात होते.
त्याचे आजोबा दोन दशकांपूर्वी आईस्क्रीम बनवायचे आणि त्यांचे त्या काळी आईस्क्रीमचे दुकानही होते. त्याच परंपरेतून प्रेरणा घेऊन सुहासनेही आईस्क्रीमचा व्यवसाय सुरू करण्याचा निर्णय घेतला.
त्याने पारंपरिक पद्धतीने आईस्क्रीम तयार करून Iceberg Icecream या नावाने दुकान सुरू केले. पहिल्याच दिवशी त्याने 45 लिटर आईस्क्रीम बनवली आणि ती ताबडतोब संपली. पाच दिवसांनी त्याने दुपटीने आईस्क्रीम तयार करून पुन्हा शॉप सुरू केले.
त्याच्या आईस्क्रीमला जोरदार प्रतिसाद मिळू लागला. पुढील तीन वर्षांत दक्षिण भारतात त्यांची 15 आउटलेट्स उभी राहिली आणि त्यांनी फ्रँचायझी देण्यास सुरुवात केली.
Iceberg Organic Icecream देशी गाईचे दूध, ऑर्गॅनिक तूप आणि भाज्यांपासून तयार केलेले नैसर्गिक कलर्स वापरते. कोणतेही आर्टिफिशियल प्रिझर्व्हेटिव्ह ते वापरत नाहीत.
नेल्लोरमध्ये त्यांच्या दोन फॅक्टरीज आहेत, ज्यापैकी 80% वीज गरज सोलर एनर्जीने भागवली जाते.
सध्या त्यांचे 70 पेक्षा जास्त आउटलेट्स सुरू आहेत. ‘द बेटर इंडिया’नुसार त्यांच्या व्यवसायाचा वार्षिक टर्नओव्हर 12 कोटी रुपयांपेक्षा जास्त आहे.
दक्षता उपसंपादक:राजन क्षत्रिय
