सोलापूर सुंदर सोलापूर” उपक्रमांतर्गत शहरातील अजोरा उचल्याणच मोहीम राबविण्यात आली..
सोलापूर – “सोलापूर सुंदर सोलापूर” या उपक्रमाच्या अनुषंगाने सोलापूर महानगरपालिकेचे आयुक्त डॉ. सचिन ओम्बासे यांच्या आदेशान्वये तसेच अतिरिक्त आयुक्त विणा पवार यांच्या मार्गदर्शनाखाली सोलापूर शहरात रस्त्यावरील पडलेला अजोरा (मलबा, बांधकामातील अवशेष, कचरा) उचलण्याची विशेष मोहीम दर शुक्रवारी व शनिवारी नियमितपणे राबविण्यात येत आहे.
आज दिनांक ३१ ऑक्टोबर २०२५ रोजी सकाळपासून या मोहिमेअंतर्गत शहरातील विविध भागांमध्ये मोठ्या प्रमाणावर अजोरा उचलण्यात आला. या अंतर्गत कुमार चौक, स्टेशन रोड, शेळगी ब्रिज, प्रियांका चौक, अक्कलकोट रोडवरील हवामान कार्यालय परिसर, नई जिंदगी रोड पारशी विहीर, सितारा चौक, आसरा चौक, किल्लेदार मंगल कार्यालय परिसर, टिळक विद्यापीठ समोरील रस्ता, मंगळवेढा रोड मरिआई चौक, कोयना नगर, गवळी वस्ती, मुस्लिम पा पेठ, बीप मार्केट, गुरुनानक चौक व शानदार चौक या ठिकाणी अजोरा उचलण्यात आला.आजोरा उचलण्याची मोहीम सुरू असताना अतिरिक्त आयुक्त वीणा पवार व सहाय्यक आयुक्त शशिकांत यांनी स्वतः शहरातील विविध मोहिमेतील भागांना भेटी दिल्या. त्यांनी सुरू असलेल्या कामांची पाहणी केली. या वेळी त्यांनी मुख्य आरोग्य निरीक्षक, आरोग्य अधिकारी आणि कर्मचाऱ्यांशी चर्चा करून ही मोहीम अधिक प्रभावीपणे कशी राबवता येईल यासाठी आवश्यक त्या उपाययोजना करण्याचे सूचना दिल्या.सदर मोहिम शहरातील14 ठिकाणांवरील ‘अजोरा’ यशस्वीरित्या हटवला या मोहिमेसाठी घनकचरा विभागाच्या माध्यमातून १ JCB, ५ डंपर तसेच विभागीय कार्यालयांकडून ८ JCB व ८ डंपर अशी यंत्रसामग्री वापरण्यात आली. या माध्यमातून आज एकूण १४ ठिकाणहुन सुमारे 56 खेपा करून अजोरा उचलण्याचे काम यशस्वीपणे पूर्ण करण्यात आले.
घनकचरा व्यवस्थापन विभागाचे सहायक आयुक्त शशिकांत भोसले, मुख्य सफाई अधीक्षक नागनाथ बिराजदार यांच्या सह अधिकारी, कर्मचारी व विभागीय अधिकारी यांनी या मोहिमेत सक्रीय सहभाग घेतला. या उपक्रमामुळे शहरातील स्वच्छता सुधारण्यास मोठी मदत झाली असून नागरिकांना स्वच्छ आणि सुंदर सोलापूर निर्मितीचा संदेश दिला गेला आहे.
महानगरपालिकेच्या वतीने नागरिकांना आवाहन करण्यात येते की, आपल्या परिसरात अजोरा किंवा बांधकामातील अवशेष रस्त्यावर टाकू नयेत. अजोरा उचलण्यासंदर्भात नागरिकांनी संबंधित विभागाशी संपर्क साधून योग्य प्रकारे विल्हेवाट लावावी, जेणेकरून “सोलापूर सुंदर सोलापूर” हे स्वप्न साकार करता येईल.
दक्षता उपसंपादक:राजन क्षत्रिय
