पानगाव । बार्शी येथील डॉ. राहुल मांजरे यांचे साई संजीवनी हॉस्पिटल व पानगाव ग्रामपंयायतीच्या संयुक्त विद्यमाने बार्शी तालुक्यातील पानगावात मोफत सर्वरोग निदान, रक्तदाब व मधूमेह तपासणी आणि औषध वाटपाचे शिबिर बुधवारी (दि.८) घेण्यात आले. शिबिराचे उद्घाटन सरपंच जयसिंगराव देशमुख यांच्या हस्ते झाले. याप्रसंगी उपसरपंच नंदकुमार काळे, माजी सरपंच दयानंद गाडे, पिंटू नाईकवाडी, अंकुश मोरे यांच्यासह ग्रामस्थ उपस्थित होते. शिबिरात १८० जणांची आरोग्य तपासणी करण्यात आली. यशस्वितेसाठी डॉ. राहुल मांजरे यांच्या मार्गदर्शनात डॉ. नयन बरबडे, ऑर्थोपेडिक सर्जन डॉ. दस्तगीर शेख, हृदयरोग तज्ञ डॉ. विकास खामकर, मूत्ररोगतज्ञ डॉ. तुषार खरमते, डॉ. विजयदादा खुणे, डॉ. सौरभ आंधळकर आदींनी परिश्रम घेतले.
उपसंपादक : पिंटू नाईकवाडी
