अजित डोभाल — भारताचे “जेम्स बॉन्ड” म्हणून ओळखले जाणारे हे गुप्तहेर, ज्यांनी 1980 च्या दशकात आपल्या प्राणांची पर्वा न करता पाकिस्तानमध्ये एक धोकादायक मिशन पूर्ण केले. त्यांच्या या मिशनचा उद्देश होता पाकिस्तानच्या गुप्त परमाणु कार्यक्रमाची माहिती मिळवणे, जे तेव्हा जगापासून लपवून ठेवले जात होते. इस्लामाबादपासून काही अंतरावर असलेले कहुटा गाव साधारण दिसत असले, तरी त्याच्या आत खान रिसर्च सेंटरमध्ये पाकिस्तानचा न्यूक्लिअर प्रकल्प वेगाने वाढत होता.
या ठिकाणी सुरक्षा इतकी कडक होती की कोणत्याही बाहेरच्या व्यक्तीचा श्वासही इथे ओळखू शकत. मग आत प्रवेश कसा करायचा? याच वेळी डोभालांनी निवडला असा भेस, ज्याच्यावर जगातील कुणालाही संशय येत नाही — भिकाऱ्याचा!
भिकारी बनून ते पाकिस्तानच्या रस्त्यांवर दिवसन्दिवस फिरत राहिले, लोकांनी दिलेल्या भीकवर जगत, पण त्यांच्या मनात फक्त एकच ध्येय—देशासाठी महत्त्वाची माहिती मिळवणे. एके दिवशी फिरता फिरता ते एका नाईच्या दुकानाबाहेर थांबले. इथे दररोज खान रिसर्च सेंटरचे वैज्ञानिक येत असत. वैज्ञानिक केस कापून गेल्यावर जमिनीवर पडलेले केस पाहून डोभाल ताबडतोब सावध झाले. ✂️
अत्यंत दक्षतेने त्यांनी ते केस गोळा केले आणि गुप्त मार्गाने भारतात पोहोचवले. भारतातील वैज्ञानिकांनी जेव्हा त्या केसांची तपासणी केली, तेव्हा निष्कर्ष पाहून सर्वजण थक्क झाले — त्या केसांमध्ये रेडिएशन आणि यूरेनियमचे कण आढळले! ⚛️
हे पुरावे पाकिस्तान गुप्तपणे परमाणु शस्त्र विकसित करत असल्याचे स्पष्ट सिद्ध करत होते. एकट्या माणसाने, भिकाऱ्याच्या वेशात, शत्रू देशात राहून, असा मोठा पुरावा मिळवणे—हे फक्त आणि फक्त अजित डोभालांसारख्या धैर्यवान, बुद्धिमान आणि राष्ट्रनिष्ठ व्यक्तीच करू शकतात.
त्यांच्या या मिशनने भारताला पाकिस्तानच्या गुप्त कार्यक्रमाचा संपूर्ण नकाशा मिळवून दिला, आणि देशाची सुरक्षा भक्कम करण्यात मोठी भूमिका बजावली.
दक्षता उपसंपादक:राजन क्षत्रिय
