📍 हॉटेल सुर्या इंटरनॅशनल, मुरारजी पेठ
रमाईची लेक पुरस्कार सोहळा २०२६
आमचे सहकारी श्री.राजाभाऊ माने यांच्या माध्यमातून रमाई सेवाभावी सामाजिक संस्था यांच्या वतीने माता रमाई जयंतीचे औचित्य साधून आयोजित रमाईची लेक पुरस्कार सोहळा २०२६ उत्साहात संपन्न झाला.
या प्रसंगी सोलापूर शहर जिल्ह्यातील विविध क्षेत्रात उल्लेखनीय कार्य करणाऱ्या १४ कर्तृत्ववान महिलांचा राज्याचे ग्रामविकास मंत्री तथा पालकमंत्री जयकुमार भाऊ गोरे यांच्या हस्ते सन्मानचिन्ह देऊन गौरव करण्यात आला.समाजकारण, शिक्षण, आरोग्य, महिला सक्षमीकरण, उद्योजकता आणि विविध सामाजिक क्षेत्रात मोलाचे योगदान देणाऱ्या या महिलांच्या कार्याचा गौरव करणे म्हणजे त्यांच्या प्रेरणादायी वाटचालीला सलामच आहे.
याप्रसंगी महापौर श्री विनायक दादा कोंड्याल, उपमहापौर ज्ञानेश्वरीताई देवकर, शहराध्यक्षा रोहिणीताई तडवळकर, नगरसेवक अक्षय अंजिखाने, नगरसेवक श्रीनिवास दायमा, माजी नगरसेवक गुरुशांत धुत्तरगावकर, विजय कुलथे, यांच्या सह अन्य मान्यवर उपस्थित होते.
दक्षता उपसंपादक:राजन क्षत्रिय
