सोलापुरात मध्यरात्री भीषण अपघात; तीन मित्र जागीच ठार
सोलापूर : शहरात मध्यरात्री घडलेल्या भीषण अपघातात तीन तरुण मित्रांचा जागीच मृत्यू झाल्याची दुर्दैवी घटना घडली आहे. ही दुर्घटना १६ फेब्रुवारी २०२६ रोजी पहाटे चार वाजण्याच्या सुमारास घडली.
रूपा भवानी मंदिर जवळील Siddheshwar Women’s Polytechnic College समोरून बर्गमन स्कूटर (क्रमांक MH-13-ER-0627) वरून तीन मित्र जात असताना अज्ञात वाहनाने त्यांना मागून जोरदार धडक दिली. धडक इतकी जबरदस्त होती की तिघांचाही जागीच मृत्यू झाला.
अपघातानंतर परिसरात एकच खळबळ उडाली. पोलिसांनी घटनास्थळी धाव घेत पंचनामा केला असून अज्ञात वाहनचालकाविरोधात गुन्हा दाखल करण्याची प्रक्रिया सुरू आहे. सीसीटीव्ही फुटेजच्या आधारे वाहनाचा शोध घेण्याचे काम हाती घेण्यात आले आहे.
या दुर्दैवी घटनेमुळे तिन्ही कुटुंबांवर दुःखाचा डोंगर कोसळला आहे. मृतांच्या नातेवाईकांनी Civil Hospital Solapur येथे मोठी गर्दी केली होती. शहरात हळहळ व्यक्त होत आहे.
दक्षता उपसंपादक:राजन क्षत्रिय
